影片
更多
2009-12-10
20 瀏覽
9-12-2009是日要到銅記「搜羅」一 d 嘢, 搞掂後到灣仔陪又要開夜的朋友食個 quick dinner. 想去的 Rosé (http://www.openrice.com/restaurant/commentdetail.htm?commentid=2041756) 無位, 又見附近呢間熱狗店好似幾企理, 試試吧.叫了「法蘭克福腸熱狗」combo, 熱狗跟兩款醬汁, 另跟炸洋蔥圈及一杯飲品:是日珍珠售罄, 結果我杯凍台式「鴛鴦珍珠」(combo 加 $3) 變了「鴛鴦珍珠走珍珠」 : 夠凍, 甜度唔高, 第一啖先嗒到咖啡味, 跟住奶味慢慢滲出, 繼而有茶香, 幾有層次的味道喎 熱狗包烘得微燶, 賣相幾靚, 食落幾軟熟, 不過如果烘得外鬆脆, 應該仲好食; 法蘭克福腸夠脆皮, 味道穩穩陣陣, 不過熱辣辣又多汁, 都係 bonus 來的, 而且加了半溶 cheddar 真係香好多; 兩款醬汁係 mustard 及店方的 homemade sauce, 店員話落了洋蔥做, 但食落我覺得同普通 tomato & pesto sauce 差不多味, 唔係特別 impressive.
是日要到銅記「搜羅」一 d 嘢, 搞掂後到灣仔陪又要開夜的朋友食個 quick dinner. 想去的 Rosé (http://www.openrice.com/restaurant/commentdetail.htm?commentid=2041756) 無位, 又見附近呢間熱狗店好似幾企理, 試試吧.
叫了「法蘭克福腸熱狗」combo, 熱狗跟兩款醬汁, 另跟炸洋蔥圈及一杯飲品:
是日珍珠售罄, 結果我杯凍台式「鴛鴦珍珠」(combo 加 $3) 變了「鴛鴦珍珠走珍珠」 : 夠凍, 甜度唔高, 第一啖先嗒到咖啡味, 跟住奶味慢慢滲出, 繼而有茶香, 幾有層次的味道喎
熱狗包烘得微燶, 賣相幾靚, 食落幾軟熟, 不過如果烘得外鬆脆, 應該仲好食; 法蘭克福腸夠脆皮, 味道穩穩陣陣, 不過熱辣辣又多汁, 都係 bonus 來的, 而且加了半溶 cheddar 真係香好多; 兩款醬汁係 mustard 及店方的 homemade sauce, 店員話落了洋蔥做, 但食落我覺得同普通 tomato & pesto sauce 差不多味, 唔係特別 impressive.
炸洋蔥圈反而幾好食: 勁熱辣, 粉漿少少厚, 但脆口唔油, 入面的洋蔥肉帶甜又軟腍, 幾好食喎 On the side 奉上沙律醬, 酸酸甜甜冰冰涼涼, 蘸吓無咁膩, 整體算不錯.
朋友食「脆皮芝士腸熱狗」combo, 熱狗(自願)只跟一款醬汁, 另跟薯條及一杯飲品:
試了「奶茶珍珠走珍珠」, 茶味幾香, 甜度剛好, 好過唔少街邊的「立飲」店呢
又試了點薯條, 好粗, 無油, 夠脆, 薯肉多薯味幾香, 幾好食, 不過如果多點「連皮」就好了.
芝士腸無試了, 不過見咬開後滲出奶白色 sauce 狀芝士, 朋友又加了 cheddar,「芝上加芝」應該不錯吧.
食物不錯, 小店亦乾淨企理, 格局有點似以前般咸道嗰間 (http://www.openrice.com/restaurant/commentdetail.htm?commentid=1857888)!?
每人埋單 $35, 價錢同後街的港式熱狗店 (http://www.openrice.com/restaurant/commentdetail.htm?commentid=1984123) 差不多, 但我覺得呢間好食 d, 嚟開呢頭都值得試試的.
張貼
