Soul9+ (已結業)

加完班諗住食完晚餐先返屋企, 因為係星期日所以選擇比平日少, 而且落緊雨唔想行嚟行去, 係Openrice見到呢間二百幾個好評得兩個負評, 應該冇乜問題, 估唔到我會係第三個。諗住食好少少, 見係呢度嘅推介所以叫咗個“燒美國頂級肉眼扒” Medium五年熟。一上枱已心知不妙, 表面乾哂, 一切落去感覺唔似煎而係似炸到少少脆咗咁, 大約八成熟左右。上面冇鹽亦冇配任何汁, 亦冇俾鹽或胡椒我自己落, 咁唯有自己攞但就見唔到啱配牛扒用嘅粗鹽。真心未食過咁難食嘅牛扒, 我好後悔做乜要食哂佢, 第二朝（亦即係我寫緊食評呢一刻）個胃仲係頂住。呢一份加一後成三百幾蚊嘅肉眼扒, 絕對唔合格。