BLT Steak (已結業)

平時嘅一至五食午餐係最平嘅，平時嘅人流會比較少啲，所以我都會比較喜歡平日食buffet lunch，今日我為大家推介嘅就係呢一間喺海港城嘅！呢一間係望住海景位嘅！呢個係集團式嘅餐廳，主要係食牛肉同埋burger ！因為我嘅食量比較少，所以我只需要比$148就可以任食出面枱上面嘅食物以及甜品，我覺得已經足夠啦，如果大家大食的話，可以叫佢哋嘅burger或者牛肉食，都係多幾十蚊姐！只要你坐低，佢哋就會比一啲餐前嘅麵包俾你食，有啲似牛角包但係又唔係，佢哋的牛油好好味，同埋麵包係熱辣辣的，又有芝士味！作為餐前小食10分好！右下角嘅黑松露蛋沙律好好味，大家要試吓！好多cold cut，幾好食，口味偏向濃味！沙律嘅選擇亦都好多，蔬菜十分之新鮮，而佢哋Mix嘅沙律汁，亦都出色！熱盤唔多，佢哋嘅薯蓉好軟滑，正！蒜蓉炒蘑菇勁好味！我食第一碟嘅時候，我已經將全部嘅食物都攞少少俾大家睇吓，就係咁多啦！我覺得都算夠食㗎啦！另外甜品選擇就真係唔唔多啦，不過我都覺得好飽啦，佢哋嘅生果亦都好新鮮，brownie 朱古力味好濃，奶凍亦都好滑口！大家可以平日試吓！提一提大家如果大家真係叫咗主菜食，又食唔晒可以打包走架，