太平飯店 (已結業)

依排已經路過左幾次，但係都係見到出面都有人排隊，所以都覺得唔想排隊，今日咁岩見到冇乜人排隊，於是馬上就趁依個機會黎試下依間潮州野。一行兩人，食唔到太多野，我地叫左兩味餸，一個係白灼鵝腸，另外一個就係叉燒撈麵。白灼鵝腸唔算獨有，坊間都有唔少食店有提供，最緊要都係新鮮鵝腸，灼得剛剛好，然後點一下醬汁就係最正風味。依間嘅鵝腸，係我食過嘅，可以排係top 3 ，鵝腸有熱氣冒起，超級爽脆，並唔會太肥，口感同味道都正。另外一個嘅撈麵就係無心之選，叉燒睇到個色澤同肥瘦比例係靚叉燒，食落香軟。而冇估到嘅係撈麵鋪左大量嘅白芝麻，令到個麵香左好多。麵身爽，撈得均勻，是意外之喜。可惜兩個人嘅飯量有限，本來有意欲食多啲其他野，但最後都係冇肚食。今次食落個質素頗有驚喜，下次可能會再黎 : )。