MOS Burger (已結業)

MOS BURGER登陸香港16年，今年週年慶特意推出一系列優惠和新品，漢堡包愛好者梗係要去試下。咁啱經過灣仔英皇中心分店，決定入去買返個外賣。冇黎咁耐多咗好多款式。周年限定於週年紀念期間品嚐更可享半價優惠。包裝非常精美。吉列魷魚漢堡吉列外層酥脆，魷魚厚實彈牙，外脆內軟，啖啖滋味，配搭微酸他他醬及鹹甜南蠻醬，雙重醬汁令味道層次更豐富。薯條套餐$21就有薯條同飲品，薯條香脆粗身。咖啡咖啡味道香濃，超水準。