阿茶茶。館 (已結業)

想揾間有dinner set既西餐食飯，行過見到就入左嚟，店內有音樂幾relax，隔離咁岩係外國人好有feel。忌廉西蘭花湯既西蘭花蓉多，好濃味。個包又熱又好食，又有餅條，前菜好豐富。美國牛膈肌扒好香好林，紫薯配菜少甜，牛膈肌扒好濃味，肉質好好！64度慢煮雞蛋煙肉配拉客雷特芝士意粉超creamy，慢煮蛋好似食落滑點，煙肉大過平時個d又軟既唔會乾。煙三文魚菠菜法式薄餅有車打芝士，更濃味，皮脆唔錯。甜品蜜糖香蕉crêpe，食完咸味食甜味好滿足，香蕉份量多！飲品係英國茶都跟餐唔洗加錢，錫蘭茶都係。