天機棧扒房 (已結業)

天機棧唔係地鋪，都搵咗陣先搵到呢間餐廳，但一上到去，發現餐廳都已經好多人，完全估唔到。須搭lift上餐廳，成層都係餐廳既，所以佔地都幾大，幾寬敞! 而食物價錢非常便宜，難怪吸引咗咁多人黎。頭盤係海鮮: 有蟹柳,蝦同蠔，一向鐘意食高級蟹柳，呢個蟹柳岩曬我食，而蝦肉彈牙，證明好新鮮，而蠔亦不錯，超出期望。食完頭盤，仲有沙律同湯，湯我揀咗雜菜湯，味道一般。而沙律都夠沙律醬，沙律菜爽脆新鮮，都幾好食。Main course叫做西冷牛扒! 牛扒厚薄適中，已188套餐既超值價錢黎講既超出期望，點左medium，食落好有肉汁，肉味都唔錯，整體滿意!最後既甜品揀咗紅豆椰汁奶凍，味道上比較簡單單一，唔會好膩，甜甜地不錯。