麗嘉酒店咖啡閣 (已結業)

依家Dinner set頭盤、湯、主菜&自助甜品都係$188，只係做到8月底，所以立即去試。頭盤都未o黎我同個fd已經去甜品，甜品有十多選擇，每種都想試十分吸引，有tiramisu、cheese cake、果tart等等好正，尤其是一個酥皮餅我食了五、六件，仲有一個栗子tart，餅底非常之鬆化。另外，頭盤有兩個choice鵝肝或龍蝦卷，沒有特別。湯係南瓜鴨湯，好甜；如果飲晒成碗都幾漏。主菜三揀一，我o地叫o左羊扒同三文魚柳，羊扒d肉質好嫩又唔“mun”唔“鞋”，三文魚柳味道一般。始終覺得全晚最正都係dessert，我一個人都食o左四碟。