割烹 櫓杏 (iSQUARE國際廣場)

營業中

休息中

位於尖沙咀嘅割烹櫓杏提供咗一個舒適嘅用餐環境，令顧客可以喺輕鬆嘅氣氛下享受美食。呢間餐廳將日本嘅經典料理同現代創意結合，呈現咗一系列令人垂涎嘅菜式。今次叫咗omakase套餐，共有10貫壽司，仲有新鮮嘅刺身、精心烹調嘅燒烤、精緻又美味嘅湯品等等。廚師們用上最上乘嘅食材，再用傳統嘅烹調技巧將佢哋變成精湛嘅菜式。佢哋對細節嘅關注同對食材嘅尊重令到每一道菜都成為咗一件藝術品，每一啖都帶俾你滿足感同愉悅。最深刻印象嘅係前菜炸銀杏同鵝肝，一啖食落去即刻開胃；海膽壽司俾嘅份量都好足，海膽特別肥美新鮮；蜜瓜據店員講係熊本直送，特別甜口香脆，冬天正正係食蜜瓜嘅季節；連根饅頭都好獨特，第一啖完全食唔出係乜嘢，但係愈食愈上癮。除咗食物之外，服務都值得一讚。師傅熱情友善，對每一位顧客都非常細心。每上到一道菜都會逐一介紹食材，再提供點樣食嘅建議。都見師傅對食材嘅知識好豐富，會講解每道菜式嘅成分同製作過程，食之前可以更深入咁了解。