Cosmos Restaurant & Bar (已結業)

勁少去尖沙咀，人太多，食野又要等位，價錢預咗貴。聖誕去尖咀影燈飾，肚餓都要搵野食。有人派傳單，有85折喎，聖誕食西餐，ok喎。是日餐湯黑松露野菌忌廉湯及海鮮龍蝦濃湯，各要一款，兩個湯都好正，簡單講"香" 濃"，配塊烘過的麵包，good!頭盤不是跟餐的，散叫西班牙黑毛豬火腿配蜜瓜拼香草蒜茸包，黑毛豬配蜜瓜，基本上好難會差，蜜瓜juice配黑毛豬，好味。主菜要泰式冬蔭功軟殻蟹忌廉扁意大利粉，軟殻蟹好食，不過冬蔭功味唔多食得出，個意粉多汁d仲正。另一個要子母原條浦燒鰻魚漢堡包伴薯條，e個幾特別，個friend話好正。我無試到，不過賣相好吸引。埋單有折，價錢都ok。