Tanuki Coffee (已結業)

ERROR成員193 開嘅人氣咖啡店, 相信都唔使多介紹～ 餐廳最近同隱町集團嘅班底合作, 食物同服務質素都有提升👍🏻, 仲有全新Menu, 趁住放假我都終於去咗拜訪, 食個Sando chill吓～Cafe裝修以純白色為主🤍, 用咗太空艙狸貓做主題, 周圍都有狸貓擺設🦝, 好啱打卡, 好可愛呢😍！有個角落亦出售各種周邊商品, 岩晒一眾fans💕🥪照燒牛肉蛋三明治 即叫即製, 麵包輕輕烤過, 外酥脆內軟熟, 有牛油香, 食落有啲似丹麥吐司🍞, 裏面有照燒牛肉同滿滿嘅滑蛋🍳, 我另外再加咗煙三文魚, 炒蛋滑溜又濕潤, 整個組合好豐富, 係唔錯嘅light meal 選擇♥🍚燒牛肉63度溫泉蛋蓋飯燒牛肉配上溫泉蛋🥚, 篤開個溫泉蛋然後撈勻嚟食, 唔錯～ 🧇 挪威Brunost芝士Croffle 每日限量供應❗️Croffle即叫即烘烤, 外層鬆脆, 中間有少少煙韌嘅口感。表面鋪滿挪威Brunost 芝士🧀️, 呢款芝士係用上羊奶同牛奶製成🥛, 芝士味特別香濃突出, 食落仲有焦糖嘅香甜, 鹹鹹甜甜, 另外配上自家製鮮忌廉, 為窩夫增添一點風味, 呢個甜品有創意又好食😋！