田中寿司 (已結業)

天氣凍冰冰就想食下鍋物取暖啦順路路過荃灣荃新天地見到有間餐廳做緊2人Set Dinner 有鍋物、串燒、壽司⋯價錢重要做緊Discount，一於試一試佢啦胡麻豆腐沙律🥗酸酸甜甜既胡麻醬好開胃，豆腐結實幾濃郁豆味，作為開胃菜幾好。田中血合是由魚血加魚肉做成的，好濃烈既魚味，中意秋刀魚既朋友應該都會喜歡，但個人有少許吾習慣😂串燒4物有雞軟骨，京蔥雞肉，豚肉秋葵，燒冬菇食落都吾錯，吾會柴口，面層灑少少鹽就剛剛好吞拿魚三貫盛有赤身、中拖、大拖羅各2件大拖固然油香味重，口感肥美鮮甜。赤味噌鍋物可選辣度，內裏還有包括雞肉丸子，另外更有豚肉供火鍋之涮，味道幾香幾濃郁，依個天氣辣辣地都過癮。食完重可以加埋白飯、雞蛋、芝士做泡飯，吸收曬湯底既精華。