IKI Teppanyaki Bento (已結業)

沙田新城市廣場絕對係一個美食嘅集中地，亦都有好多連鎖式嘅餐廳，間間門口都排晒隊。今日約咗個舊同學行街，行完街我哋就揀呢間唔使排隊就入去食喇。餐廳入面都幾多人..位置亦都有少少迫..但侍應嘅服務係非常好..打開餐牌睇睇點餐嘅食物種類其實唔算多，我同朋友就選擇個二人套餐加左＄40將牛肉薄燒轉西冷牛扒其實就不過不失，但我就略嫌佢有少少硬。雞扒就冇乜味比較淡同埋有啲乾。帆立貝幾好食，而我朋友就好欣賞個比目魚。買單大約一個人二百幾蚊，不過真係食得好飽最後碗白飯我都食唔晒。