Deer Kitchen (荃新天地) (已結業)

今次我地去左荃灣行街，荃灣勁多商場，又有d橋連住曬，行左勁耐，到左荃新天地我地就搵飯食，搵到呢間西餐廳見個set dinner唔錯就入左去坐低啦😁間餐廳個裝修整得幾靚，其中有2張枱有個籠罩住咁幾靚幾特別，其他位都坐得舒服，依家講下食物啦我地就食左set dinner for two ($438)，佢包一人一款前菜，我地揀左一碗是日餐湯，同另一個（+$10）黑松露意大利雲吞，餐湯係一碗磨菇湯，夠熱幾好味，而個雲吞d醬好好味，香濃既黑松露醬，食落好creamy，加$10都抵👍🏻主菜就揀左意大利惡魔烤春雞配脆薯條，呢個烤雞比較特別，唔知大家去旅行有冇食過nandos呢間餐廳，呢度既全隻雞既切法好似，切成4件，兩件雞髀位，兩件雞胸位，佢燒得塊皮好正，雞肉咁樣切法方便好多，好輕易自己切成一小件食，雞肉都唔韌，仲要幾滑，對呢個雞幾滿意😋Pasta/risotto果邊我地揀左香濃芝士煙肉煙斗粉，呢個粉好多芝士，除左個醬係芝士，仲有好多芝士碎加埋煙肉粒，煙肉碎，咸咸地好正呀😍 個煙斗粉質地偏硬少少，我韌韌地幾好，不過呢樣你因人而異🤪個餐仲有送兩杯餐飲，我地揀左檸檬茶，佢塊檸檬擺得好靚，好有渡假feel