影片
更多
2022-08-18
893 瀏覽
今日黎慶祝我哋嘅copper wedding🥳撇甩2個小朋友黎呢到食🤪黎呢到最好book位，因為7點入去全場坐滿👍🏻食物黑松露野菌忌廉汁意粉應該係用百德阿姨意粉，超好食！勁彈牙嘅意粉，加上超creamy嘅忌廉汁😋食落口仲有陣陣嘅松露味🤤正到暈！碟意粉都係$148咋，勁大碟！如果1個人食晒都真係超級飽。beef burger with fries 個包有牛油烘過，超香脆！入面再有7成熟嘅牛肉勁香牛肉味同超嫩💋配上芝士一齊食真係話超好食都唔過份！最精華係佢個香煎煙肉，咸咸地，對比鮮番茄🍅同生菜🥬嘅清新，成件事就即刻變得冇咁膩😚白桃乳酸超鐘意白桃嘅味道！加上佢有啲益力多味，超級好飲！佢係有汽嘅，浸下個薄荷葉好好味😋呢個係靚姨姨推薦，佢話好多人都鐘意飲，果然冇介紹錯蝶豆花檸檬聽個名同睇個色都係勁靚🤣呀姨話好多女仔都嗌呢個黎影相打卡🤪不過之前係慘仔飲過蝶豆花乜乜真係嚇怕左我👀我問呀姨其實係咩味，佢話:其實係酸酸甜甜檸檬味咋，蝶豆花本身都冇味，不過佢嘅紫色好靚，所以呢個都好多人嗌香蕉pancake配朱古力雪糕今晚有呢個甜品真係畫上完美嘅句號😚💋個超濃嘅朱古力雪糕，加上勁多cream🤤真係好鐘意食c
今日黎慶祝我哋嘅copper wedding🥳撇甩2個小朋友黎呢到食🤪黎呢到最好book位，因為7點入去全場坐滿👍🏻
食物
黑松露野菌忌廉汁意粉
應該係用百德阿姨意粉，超好食！勁彈牙嘅意粉，加上超creamy嘅忌廉汁😋食落口仲有陣陣嘅松露味🤤正到暈！碟意粉都係$148咋，勁大碟！如果1個人食晒都真係超級飽。
beef burger with fries
個包有牛油烘過，超香脆！入面再有7成熟嘅牛肉勁香牛肉味同超嫩💋配上芝士一齊食真係話超好食都唔過份！最精華係佢個香煎煙肉，咸咸地，對比鮮番茄🍅同生菜🥬嘅清新，成件事就即刻變得冇咁膩😚
白桃乳酸
超鐘意白桃嘅味道！加上佢有啲益力多味，超級好飲！佢係有汽嘅，浸下個薄荷葉好好味😋呢個係靚姨姨推薦，佢話好多人都鐘意飲，果然冇介紹錯
蝶豆花檸檬
聽個名同睇個色都係勁靚🤣呀姨話好多女仔都嗌呢個黎影相打卡🤪不過之前係慘仔飲過蝶豆花乜乜真係嚇怕左我👀我問呀姨其實係咩味，佢話:其實係酸酸甜甜檸檬味咋，蝶豆花本身都冇味，不過佢嘅紫色好靚，所以呢個都好多人嗌
香蕉pancake配朱古力雪糕
今晚有呢個甜品真係畫上完美嘅句號😚💋個超濃嘅朱古力雪糕，加上勁多cream🤤真係好鐘意食cream🤣佢有彩虹色嘅針針，超級靚。今餐樣樣都好靚，打卡曬命勁開心🥳
環境
我哋好彩早黎兼book咗位…約7點，但我哋未到6點半已經到咗，冇乜人，但張張枱都reserved 🤪入去坐低嗌嘢食，一抬頭已經幾乎坐滿晒
真係好岩家庭、朋友黎gathering❤️有酒飲，啲野又好食！重點係啲野唔貴~~
大鄉里出城
呢枝飲筒，我哋係由野飲到埋單嘅時候仲係到估係乜嘢做🤣
原本估係紙？又唔似
估係庶？又唔甜
估係竹？又咬得爆
你哋又估唔估到呢？🤣🤣🤣
我好傻去鼓起勇氣問，答案原來係:
米呀🤣🤣🤣
張貼
