小菜王 (福榮街)

營業中

休息中

一行八人到這𥚃食晚飯，因為尋晚先訂位，所以只能安排坐在閣仔，要經過廚房邊再行上一層，衞生情况比較差。咕嚕肉，冇乜汁，肉都脆口但比較乾身。韮菜豬紅，微辣好惹味。椒鹽鮮魷，大大件炸得好脆。豉油皇炒麵，洋蔥好多，炒得比較濕，凍左都幾肥膩。薑蔥魚腩煲，大量蔥段，魚腩也多好香口。瑤柱扒豆苗，這個比較差，豆苗好老，而且好油。金銀旦波菜、芋頭排骨煲，冇試，家人話芋頭好粉好食。加3罐汽水，埋單$875/8位，抵食而且每碟份量也不少，但食完之後比較口渴，而且環境真係好一般。