金滿樓 (健峯保險大廈)

營業中

休息中

就嚟新年啦！身為孝子賢孫嘅我哋當然要周圍試菜睇吓有邊間啱帶老人家去食團年飯👋 身為九龍人 最鍾意就係近地鐵站又喺中心嘅地方😳🤙🏻 所以我哋今日去咗位於太子嘅金滿樓 我哋去到嘅時候已經覺得好驚喜！ 估唔到佢哋身為一間傳統中式酒樓 竟然會有賣珍珠奶茶！ 真係啱晒一家大細唔同人嘅口味🌝🌝 我哋叫咗三個唔同嘅菜式！ 第一個當然係我最愛嘅酸菜魚 我覺得佢唔算話係好辣 但係都好好味 最值得讚賞嘅係佢嘅魚肉份量超級多😋 真係超級多 超高性價比 魚肉本身食得出唔係雪魚 因為咬落去嘅時候覺得好嫩滑好新鮮！無論係鍾唔鍾意食辣嘅朋友都可以點！ 😝😝😝 我哋仲點左我嘅最愛菠蘿咕嚕肉！佢哋嘅擺盤超級靚 令到我食慾大增 佢哋嘅咕嚕肉好入味 酸酸甜甜 配飯食真係一流 同埋食得出佢哋嘅豬肉新鮮好味🤤調味好正宗 而最後一個就係蝦膏芥蘭煲 超濃虾酱味 好好吃🤤 佢地係做到每一條芥蘭都係充滿着濃濃既虾酱！ 真係好正😋😋😋我仲靜雞雞攞咗佢哋嘅新年菜單俾大家睇吓！ 如果有興趣嘅話，記得自己去預約啦😆😆