2+2 café & bar (已結業)

今晚自己一個人，決定試試帝都酒店2+2晚餐。先嚟杯cocktail，叫2+2 Signature，味道唔錯，略甜，入口都算清新。龍蝦干邑濃湯，龍蝦味香，夠濃，干邑味就淡淡的。主菜香草蒜茸焗紐西蘭羊鞍，5成熟，味香，肉質嫩且淋，回味無窮。最後甜品意大利咖啡芝士朱古力，一嚟就吞雲吐霧，打卡之選，朱古力波波味濃，Tiramisu亦好好味，好想食多一份。臨走問侍應隔離枱食嘅係乜，因為十分香，原來叫烤原隻蒜香有機玉米雞，下次一班人嚟時一定要試。