四季文昌 (已結業)

自從同朋友黎過呢度打邊爐之後就愛上椰青水湯底，超級清甜不會好似豬骨湯底，沙爹湯底錦油膩，加上環境舒適，位置方便，所以今次帶條佬黎食佢餐生日飯右手邊就係始創～原來新年期間轉左menu ，以前2-3人套餐會有三文魚刺身&煲仔飯，但現在變左6-8人套餐先有～雖然款式比以前少左，但還是選擇2-3人套餐～食物陸陸續續已經到齊，最先係前菜同半隻文昌雞。麻香四季豆好爽脆，配麻醬簡單又開胃！水滾後，員工幫忙放文昌雞入鍋，然後用沙漏⏳計時。一打開鍋蓋就散發出好香既椰子味，正啊！！第一round 一定要勁飲！養生菇菌籃份量多又大大件，全部都洗得好乾淨；黃金滿屋原來係油炸鬼鋪上蝦滑蟹籽，口感豐富！黑松露鮮蝦福袋造型可愛，腐皮吸曬湯汁後變到脹卜卜，咬開有鮮蝦木耳，好有咬口！安格斯牛小排拼玫瑰黑豚腩片份量不算多，如果是食肉獸的人一定不夠喉，但對我們來說適量就夠了，牛小排肉質鮮嫩，肉味濃；黑豚腩片幼嫩又彈牙～打邊爐點都要食番D菜，野菜籃誠意十足，全部大大塊又新鮮，另外重有南瓜片，份外鮮甜～食埋稻庭烏冬己經飽飽地最後叫左椰子雪糕，椰子味香濃，連同朱古力醬一齊食重好味