影片
更多
2024-01-06
15 瀏覽
約咗朋友嚟太古食晏，友人愛吃法國菜，所以特意選了這間以艾菲爾鐵塔為裝修主題嘅法式小酒館「Eiffel Bistro」。餐廳自成一角，門面以落地玻璃作設計，內在空間寬敞，座位舒適，配襯牆上嘅壁畫，環境優雅富情調。點咗兩份 2-course Set Lunch，套餐包頭盤、主食、咖啡或茶，飲品+$10 可以升至 Latte，另外亦可以優惠價加配甜品。頭盤有雞心豆沙律配青瓜、橄欖、燈籠椒及番茄 同 忌廉香草意大利青瓜湯，雞心豆粉軟帶板栗香，同番茄甜椒好夾；青瓜湯 creamy 香滑，配麵包一流。紅鯔魚片配黑橄欖、碎土豆配蔥和上等香草、茴香莎莎醬 ($188) 紅鯔魚賣相好吸引，面頭鋪滿黑橄欖碎，魚皮嫣紅、魚肉嫩滑又富鮮味，配墊底嘅薯蓉同清新嘅莎莎醬吃，為味覺帶來不一樣的法式享受。美國頂級牛腹扒配薯條及沙律 ($228) 牛腹扒點咗 5 成熟，上桌時已經切開一件件，十分體貼。馬上一嚐，肉質嬌嫩，咬下去非常軟熟，肉味濃厚，就算唔沾醬汁食都已經好夠味。薯條新鮮即炸，啖啖薯香，脆口又唔油膩。餐飲點咗 Honey Citron Lemon 同 Iced Latte (+$10) Latte 做到
約咗朋友嚟太古食晏，友人愛吃法國菜，所以特意選了這間以艾菲爾鐵塔為裝修主題嘅法式小酒館「Eiffel Bistro」。
餐廳自成一角，門面以落地玻璃作設計，內在空間寬敞，座位舒適，配襯牆上嘅壁畫，環境優雅富情調。
點咗兩份 2-course Set Lunch，套餐包頭盤、主食、咖啡或茶，飲品+$10 可以升至 Latte，另外亦可以優惠價加配甜品。
頭盤有雞心豆沙律配青瓜、橄欖、燈籠椒及番茄 同 忌廉香草意大利青瓜湯，雞心豆粉軟帶板栗香，同番茄甜椒好夾；青瓜湯 creamy 香滑，配麵包一流。
紅鯔魚片配黑橄欖、碎土豆配蔥和上等香草、茴香莎莎醬 ($188) 紅鯔魚賣相好吸引，面頭鋪滿黑橄欖碎，魚皮嫣紅、魚肉嫩滑又富鮮味，配墊底嘅薯蓉同清新嘅莎莎醬吃，為味覺帶來不一樣的法式享受。
美國頂級牛腹扒配薯條及沙律 ($228) 牛腹扒點咗 5 成熟，上桌時已經切開一件件，十分體貼。馬上一嚐，肉質嬌嫩，咬下去非常軟熟，肉味濃厚，就算唔沾醬汁食都已經好夠味。薯條新鮮即炸，啖啖薯香，脆口又唔油膩。
餐飲點咗 Honey Citron Lemon 同 Iced Latte (+$10) Latte 做到鮮奶同咖啡味兼備，而且夠凍得嚟又唔會過多冰！
今日嘅甜品係檸檬蛋白撻 ($20@)，撻底微脆，蛋白好香滑，同酸味濃郁嘅檸檬餡簡直係絕配，非常醒胃，為這頓午餐完美作結。
張貼
