Grano Italiano (已結業)

一行八人，十二時正入去，鋪頭只有一枱客。坐低諗住叫嘢食，先知道原來係快餐，要喺櫃面俾錢。去到櫃面，個講英文嘅姐姐完完全全當你透明。明白你人手唔夠，我可以等，但你啲手腳可以快啲嗎？個COMBO包啲乜，有啲乜嘢揀，落單嗰個對個MENU一啲都唔熟悉。用咗大概15-20分鐘，終於可以DIY個PIZZA 啦。由於 order 咗3個pizza，pizza counter個姐姐對於自己嘅作品非常投入，搞掂又用了15分鐘，因為做個餅皮。入去大半個鐘後，有得食啦 : PIZZA味道都幾好，同其他餐廳差唔多。其他嘅嘢，我會用差嚟形容：啲汽水冇汽，chicken nuggest 淋PATPAT（麥記好食好多），頭盤炸藍仲有蟹＜鋼＞，食落只係一舊炸粉。最癲係追咗四-五次，依舊被當透明, 個頭盤炸藍終於係1.5hrs後出現。老實說，如果你個pizza係全世界最好食嘅，或者我會接受咁嘅service。