影片
更多
2021-03-26
173 瀏覽
和民都算係女仕們喜歡嘅日式餐廳，貪佢食物款式多，價錢親民，又坐得舒服。唔經唔覺和民係香港都開左二十年啦，最近佢地推出左呢個20週年超值Omakase，網上預訂嘅話只需$160就可以食到8道菜，非常超值。Omakase共有8度菜，包括前菜、刺身、壽司、帆立貝、炸雞、炸牡蠣、湯同埋甜品。前菜：前菜係北海道芝士凱撒沙律，既新鮮又爽脆嘅羅馬生菜，加入香口嘅煙肉同多士粒，配上芝士同沙律醬，感覺非常清新，真係令人越食越開胃。刺身：極尚中拖羅刺身：拖羅其實係吞拿魚腩腹肉，脂肪比較多，不過既然出得去食飯都唔驚得咁多，入口真係有厚實油潤嘅感覺，好有質感，味道非常鮮甜。壽司:壽司每人有八件，分別係日本帆立貝、極尚中拖羅、赤蝦、三文魚子、玉子、鰻魚、魚籽、三文魚，整體賣相非常吸引。壽司飯採用日本珍珠米，飯嘅味道已經調配好， 壽司飯有醋香味，每一件壽司入口鮮甜肥美，一口一件，超滿足，所以唔使點豉油已經好夠味。玉子壽司甜甜地，入口刈海綿嘅質感、三文魚子鹹鮮爆汁，赤蝦帶點爽脆鮮甜，好好味。最值得一讚嘅係日本產帆立貝夠厚身而且無雪味，入口嫩滑， 至於極尚中拖羅，除左厚切之外，油份相當十足，入口即溶，讚。牛油焗日本帆
Omakase共有8度菜，包括前菜、刺身、壽司、帆立貝、炸雞、炸牡蠣、湯同埋甜品。
前菜：前菜係北海道芝士凱撒沙律，既新鮮又爽脆嘅羅馬生菜，加入香口嘅煙肉同多士粒，配上芝士同沙律醬，感覺非常清新，真係令人越食越開胃。
刺身：極尚中拖羅刺身：
拖羅其實係吞拿魚腩腹肉，脂肪比較多，不過既然出得去食飯都唔驚得咁多，入口真係有厚實油潤嘅感覺，好有質感，味道非常鮮甜。
壽司:壽司每人有八件，分別係日本帆立貝、極尚中拖羅、赤蝦、三文魚子、玉子、鰻魚、魚籽、三文魚，整體賣相非常吸引。
壽司飯採用日本珍珠米，飯嘅味道已經調配好， 壽司飯有醋香味，每一件壽司入口鮮甜肥美，一口一件，超滿足，所以唔使點豉油已經好夠味。玉子壽司甜甜地，入口刈海綿嘅質感、三文魚子鹹鮮爆汁，赤蝦帶點爽脆鮮甜，好好味。最值得一讚嘅係日本產帆立貝夠厚身而且無雪味，入口嫩滑， 至於極尚中拖羅，除左厚切之外，油份相當十足，入口即溶，讚。
牛油焗日本帆立貝：呢味菜都算係和民招牌菜之一，帆立貝加入牛油焗過後散發出陣陣香氣，配上鮮檸汁食更加提升到佢嘅鮮味，伴碟仲有少少菇，整體味道都算夾。
和民自慢！香脆炸雞：
外層炸到金黃嘅雞件，雞肉軟嫩多汁，令人一件接一件咁食過不停。
廣島縣產！脆炸牡蠣：廣島縣產嘅蠔係即叫即炸，賣相呈金黃色，入口熱辣辣仲好多汁，味道完全唔腥，炸粉唔算厚，吉列層相當好脆，好好味。
鰹魚湯：鰹魚湯賣相奶白色，入口有香濃嘅魚味，味道清甜。
和民農場！有機蕃薯迷你芭菲：
今晚嘅甜品係用來自和民農場出產嘅有機蕃薯整成嘅迷你芭菲。
芭菲賣相精緻，有蕃薯、珍珠、雪糕同粟米片，整體味道非常夾，口感好有層次，非常豐富，為我地今晚嘅晚餐劃上完美句號。
張貼
