影片
更多
2010-12-23
134 瀏覽
星期日，我跟媽咪、姨姨、姨丈同埋 3 位長輩一行7人，一齊搭昂坪 360 遊大嶼山！難得咁齊人，當然要珍惜呢個機會！ 正所謂今日唔知聽日事！我身為唯一一位後輩，就算怕悶都要嚟！我哋打算先食齋，然後四圍行吓！齋堂以售票方式，並非食完才付款。由於，一般齋劵 $60/位，齋堂已經被團體訂哂位，售票員話 12:00 後入坐，有機會要我哋分開坐；有見及此，我哋決定坐貴賓廳，每位盛惠 $100 。一走入貴賓廳，先見到一位法師嘅人像及相片，給善信供奉。在它旁邊，有個亮麗嘅蓮花燈；呢度掛滿畫及字畫，真有詩意！ 貴賓廳地方企理，以香港人食客為主，齋堂則以外籍人士及自由行旅客居多！侍應走到每枱，提醒每枱食客，如果白飯及湯不足夠的話，可以隨時要求任添。十分有責任心！七人套餐：$700 ( 包括 7 小菜、湯及白飯任添 ) 紅燒素翅羹侍應為我哋分了7 碗。配料有冬菇絲、腐皮絲、木耳絲、素翅；另配一樽胡椒粉。特別想一提腐皮絲，腐皮先要浸腍，然後師傅將腐皮切得超幼絲，盡見刀功！ 至於素翅，比較真正魚翅粗身及腍一點！加上馬蹄粉，甚至鍋底仍然係夠濃稠。味道咸得嚟清，感覺唔夠喉，一飲再添飲！特色小菜：西檸鮮竹片平時食西
我哋打算先食齋，然後四圍行吓！
齋堂以售票方式，並非食完才付款。由於，一般齋劵 $60/位，齋堂已經被團體訂哂位，售票員話 12:00 後入坐，有機會要我哋分開坐；有見及此，我哋決定坐貴賓廳，每位盛惠 $100 。
一走入貴賓廳，先見到一位法師嘅人像及相片，給善信供奉。在它旁邊，有個亮麗嘅蓮花燈；呢度掛滿畫及字畫，真有詩意！ 貴賓廳地方企理，以香港人食客為主，齋堂則以外籍人士及自由行旅客居多！
侍應走到每枱，提醒每枱食客，如果白飯及湯不足夠的話，可以隨時要求任添。十分有責任心！
七人套餐：$700 ( 包括 7 小菜、湯及白飯任添 )
紅燒素翅羹
侍應為我哋分了7 碗。配料有冬菇絲、腐皮絲、木耳絲、素翅；另配一樽胡椒粉。特別想一提腐皮絲，腐皮先要浸腍，然後師傅將腐皮切得超幼絲，盡見刀功！ 至於素翅，比較真正魚翅粗身及腍一點！加上馬蹄粉，甚至鍋底仍然係夠濃稠。味道咸得嚟清，感覺唔夠喉，一飲再添飲！
特色小菜：
西檸鮮竹片
平時食西檸雞試得多，西檸鮮竹片真係第一次食！ 西檸汁調教酸甜度適中，正是第一道菜上枱，令人醒胃！鮮竹片其實係齋燒鴨，煎得金黃、外脆內軟！賣相不錯之餘又好味！伴飯食確實一流！
七彩脆春卷
份量唔少，大約每人兩件！以紅蘿蔔絲及生菜絲墊底，春卷炸得金黃鬆脆，餡料係紅蘿蔔、椰菜絲及白蘿蔔絲。
薯蓉釀蓮藕單看賣相，的確吸引！令我食指帶動！ 蓮藕切成薄片，用兩塊蓮藕片夾住薯蓉；有爽身嘅蓮藕片亦有軟腍腍嘅薯蓉，雙重口感！淋上芡汁，混合粟米粒、紅蘿蔔粒、青豆，色彩繽紛！甚有特色！此外，唔會令薯蓉釀蓮藕咁乾身！惹味開胃！
百合如意炒
論好名，相信非呢道小菜莫屬！集色香味俱全！材料有鮮百合、芥蘭、腰果、荀、紅椒、黃椒等。鮮百合比較乾百合爽甜，一定要最後落鑊炒，因為鮮百合炒耐咗好易變黑，紅椒、黃椒顏色鮮艷奪目！ 荀同樣係爽身，聽講有點毒，少食為妙！為咗保持芥蘭翠綠、有光澤！落咗唔少油！
一般小菜：
花菇燴時蔬
花菇夠爽身、肉厚兼入味！唐生菜保持翠綠，不過幾油！ 咸味恰到好處！加上紅蘿蔔片作點綴，生色不少！
竹笙扒時蔬
呢道菜可算是健康之選！ 味道清淡！同樣係幾油！以紅蘿蔔片及素鮑片作點綴，素鮑片帶一點爽身，淡口！唯一特別之處係菜芯由大嶼山居民種植，保證新鮮！食落鮮甜，煮得腍仍不失翠綠！ 是否有機或含有農藥？真是不得而知！所以，呢碟係全枱最受歡迎嘅一道小菜！
香荔芋桃蓉
等了很久才上枱，一碟 7 件剛剛好！用桃形模，個 Look 精緻！番茄片墊底，增加色彩；炸得金黃！外脆內軟！以荔芋做餡係比較餾！點上甜酸醬後，增添滋味！ 最後上枱都 OK ！起碼唔會令人飽滯到食唔到其他嘢！
我哋沒有浪費任何食物，係珍重的一餐！
張貼
