寶島餐廳

營業中

休息中

今日放假，去左元朗睇漫畫，下午茶諗住搵台式野食．．．百份百﹑士林台灣麵同茗仙坊明明行到去０個個位都唔見有呢間鋪既？！唔知執左定係我黑仔哩？＝ｏ＝；前後共搵左成個鐘行到又攰又餓，見到呢度有間寶島，台式野ｗｏｒ，個名都響開飯見過下，所以二話不說就走入去啦＞＜下午茶個牌淨係貼響門口，唯有睇餐牌叫。最後叫左個全日供應既餐：酥炸豬扒米線＋百香果紅茶少甜加珍珠。碗米線以為份量會好細點知都ｏｋ大碗的，而且有好多白菜同芽茶添！豬扒雖然比較薄身不過都大塊，食完飲埋個淡淡地既紅茶已經飽飽了！不過杯紅茶味道好普通，過下口引而已。服務方面：個阿姐有少少惡，反而有個長長地頭髮既男人都幾ｎｉｃｅ。