明將迴轉壽司餐廳 (已結業)

去青松觀拜完神，就被朋友約出去深水土步逛下。他想去明將食壽司，我奉陪～我提朋友3點過後明將不用等位，不過朋友2點2先到，等了5張飛(半個鐘頭)，我2點9到已經唔見有人等位了:b今次有很多熟食壽司：炸魷魚鬚(十分喜愛連吃了3碟!)﹑蟹捧﹑中華沙律﹑墨魚仔，食到半飽朋友嚷走但我不甘心，再等，跟住海哲﹑加州卷﹑饅魚(我不吃)陸陸續續都出現。今次算食得最滿足喇，始終我只吃熟食壽司，不過朋友嫌款式太少，我說：40幾蚊你想有幾多選擇﹖飯暖且軟（我偏愛啊），材料味道普通；蓋壽司的膠蓋又梅又爛，雖然睇見都唔想食不過個個蓋都係咁唔通一碟都唔食咩﹖睇返以前食評，原來都有10個月冇來，呵呵~下次黎又唔知係幾時呢﹖