影片
更多
2009-11-18
22 瀏覽
星期五，公事繁忙嘅一天。太座忘記了帶鎖匙，有家歸不得，滯留在外家裡。將近八時半，已餓得發瘋了。太座想起了「大戶屋」，平時人山人海，呢個時段應該少人些。嚟到門口，人龍未散，但已經唔係好長，花一點時間輪候，再吃一點乾糧充飢。等咗冇耐，店員捧住一杯杯嘅熱茶，給每一位輪候嘅人客飲用。此事輕而易舉，但唔係每一間食店都咁細心做得到，難能可貴。終於在九時入席。餐牌菜色豐富，看得花光眼亂。太座是散叫昆布豬扒飯($78)，其實即是卡通片「伙頭智多星」中主角味吉陽一令味皇一試難忘嘅豬扒飯。炸豬扒嘅炸粉厚薄平均，豬扒夠厚，兼且保留肉汁，入口甘香鮮嫩，加上面頭嘅滑蛋，特別美味。底下嘅飯是用了日本米，吸收了豬扒嘅甘香及滑蛋，食落令人有幸福嘅感覺。可惜的是部份滑蛋呈現老化跡象，對於頗講究煮蛋嘅大和民族嚟講，實是未如理想。食畢全碗飯後，見碗底有汁剩下來，最好的豬扒飯應該剛好收乾水份，不應有上述情況發生。所以，此豬扒飯做得其實唔錯，但冇一種令人動容嘅衝動。筆者點的是車麩鍋配九穀飯($78)，是一點肉也沒有的定食。車麩貌似肥豬肉，口感與打邊爐嘅麵根相似，吸滿高湯，吃起來相當滋味。除了車麩，還有蕃薯、西蘭花、草菇、胡蘿蔔
嚟到門口，人龍未散，但已經唔係好長，花一點時間輪候，再吃一點乾糧充飢。等咗冇耐，店員捧住一杯杯嘅熱茶，給每一位輪候嘅人客飲用。此事輕而易舉，但唔係每一間食店都咁細心做得到，難能可貴。終於在九時入席。
餐牌菜色豐富，看得花光眼亂。太座是散叫昆布豬扒飯($78)，其實即是卡通片「伙頭智多星」中主角味吉陽一令味皇一試難忘嘅豬扒飯。炸豬扒嘅炸粉厚薄平均，豬扒夠厚，兼且保留肉汁，入口甘香鮮嫩，加上面頭嘅滑蛋，特別美味。底下嘅飯是用了日本米，吸收了豬扒嘅甘香及滑蛋，食落令人有幸福嘅感覺。可惜的是部份滑蛋呈現老化跡象，對於頗講究煮蛋嘅大和民族嚟講，實是未如理想。食畢全碗飯後，見碗底有汁剩下來，最好的豬扒飯應該剛好收乾水份，不應有上述情況發生。所以，此豬扒飯做得其實唔錯，但冇一種令人動容嘅衝動。
筆者點的是車麩鍋配九穀飯($78)，是一點肉也沒有的定食。車麩貌似肥豬肉，口感與打邊爐嘅麵根相似，吸滿高湯，吃起來相當滋味。除了車麩，還有蕃薯、西蘭花、草菇、胡蘿蔔等，皆是高纖有益嘅食物。味道清甜，作為清淡嘅一餐不錯。九穀飯混有多種米，入口感覺普通。雖然軟熟，但不湊飯氣，比泰國米嘅飯香相距頗遠。還點了涼伴菠菜($10)，除了菠菜外，仲加入白飯魚仔及大量木魚碎。單吃菠菜，是索然無味的，加一點木魚碎會比較惹味。
平均消費是九十一蚊，白飯任裝，價錢一點也不貴。
張貼
