影片
更多
2009-11-12
23 瀏覽
星期六晚，太座原訂往大坑嘅「順興」，奈何已關門，鄰近嘅食店如「民聲」也其門如市，連找一個位置泊車也不易，只能勉強的找到了空位泊了。來這裡食也是太座嘅意思。近晚上七時，店面小，但找位子不是難事，實情是行運。甫坐下冇耐，已全院滿座，也出現輪候人士。見鄰桌一對外籍夫婦嘅沙律有點兒睇頭，也點了這款，還添一款薄餅及意粉。沙律是tomato & red onion salad ($50)，大大塊新鮮蕃茄墊底，上面舖上各種沙律菜，足有五、六寸高。味道清甜怡人，橄欖油及醋落得剛好，不搶味之餘，適當地為新鮮嘅蔬果味道點綴，不錯！過了不久，沙律還未食完，意粉已到，速度是出奇地快，可能是預製嘅緣故。意粉是 spaghetti carbonara ($68)，做法非傳統意大利的比較乾身，是加了cream嘅版本。Cream嘅份量不太多，故味道比較含蓄。也好，不是每樣食物嘅味道都要霸氣十足的。食落有煙肉嘅甘香及芝士嘅奶香，意粉汁是頗滿意的。意粉則煮得比較差，太過腍了。薄餅是meat lover ($75)，是一個八寸批。餅底薄的一塊，香脆有餘，未有預期嘅鬆化，畢竟掌握麵粉、發粉及水嘅比例不易。Toppings有數
來這裡食也是太座嘅意思。近晚上七時，店面小，但找位子不是難事，實情是行運。甫坐下冇耐，已全院滿座，也出現輪候人士。見鄰桌一對外籍夫婦嘅沙律有點兒睇頭，也點了這款，還添一款薄餅及意粉。
沙律是tomato & red onion salad ($50)，大大塊新鮮蕃茄墊底，上面舖上各種沙律菜，足有五、六寸高。味道清甜怡人，橄欖油及醋落得剛好，不搶味之餘，適當地為新鮮嘅蔬果味道點綴，不錯！過了不久，沙律還未食完，意粉已到，速度是出奇地快，可能是預製嘅緣故。
意粉是 spaghetti carbonara ($68)，做法非傳統意大利的比較乾身，是加了cream嘅版本。Cream嘅份量不太多，故味道比較含蓄。也好，不是每樣食物嘅味道都要霸氣十足的。食落有煙肉嘅甘香及芝士嘅奶香，意粉汁是頗滿意的。意粉則煮得比較差，太過腍了。
薄餅是meat lover ($75)，是一個八寸批。餅底薄的一塊，香脆有餘，未有預期嘅鬆化，畢竟掌握麵粉、發粉及水嘅比例不易。Toppings有數款基本材料如青椒、辣肉腸、洋蔥等，份量不多，如果貪心反而累事。同樣地茄醬及芝士份量適中，互不搶味，各自生輝。整體而言，與其上菜速度一併考慮(薄餅製作也是超快)，是水準以上的。最後order外賣fat chips ($28)，一邊行一邊食，十分滿足。
共銀二百二十一蚊，平均每人一百一十蚊，是Pizza Hut嘅價錢，但味道肯定遠遠優勝於Pizza Hut那種近乎走火入魔嘅所謂創新pizza，比Pizza Express或 CPK稍有不及。位子是窄了一點，可能此店發跡於外賣服務，堂食的話要遷就一下了。
張貼
