阿糊雲南米線 (已結業)

是日係元宵佳節，亦係筆者婚後第一個元宵節。沒有甚麼節目安排去慶祝，畢竟與太座共膳才是最重要。是晚我們活動嘅地點响天后，那裡食肆不少，但大多數都已經幫襯過，今次特別光顧比較新嘅店鋪，希望可以多一個開飯點。近年响港九各處都出現好多專食雲南米線嘅舖頭，水準差唔多，筆者亦唔知可謂正宗雲南米線。筆者與太座在此店分別叫咗「雜錦米線」及「燒羊肉米線」。「雜錦米線」嘅材料包括雞翼(1隻)、腩肉(1片)、紫菜、牛丸(1粒)、魚蛋(1粒)、鹵蛋(1粒)、酸菜肉鬆及麻辣肉丁。筆者嘅選擇大路但比較懶，整體上呢碗米線四平八穩，有酸菜及麻辣醬，酸酸辣辣的，似筆者食開嘅雲南米線，除咗鹵蛋嘅賣相肉酸，浸咗好耐似的，蛋白表面已起皺。太座嘅選擇係京式與滇式混合體，羊肉表面燒得十分香脆，肉本身脂肪份量適中，肉汁亦豐富，啖啖羊肉羶味，一流。米線沒有什麼特色，沒有羊肉也只是一碗平凡不過嘅普通米線。「雜錦米線」36蚊一碗，「燒羊肉米線」38蚊一碗，兩人共消費74蚊，平均每人37蚊。Casual dining呢度可以一試。