影片
更多
2009-04-07
5 瀏覽
是日太座再與朋友J到跑馬地一帶睇樓，今次仲加埋朋友V同行。睇樓活動完畢之後，V提議到此店試吓呢度馳名嘅海南雞。除咗叫了半隻海南雞之外，還點了豆腐斑腩煲、土魷蒸肉餅及泰式肉碎炒通菜。聞說這裡嘅海南雞被譽為全港最好食的，網上評論亦褒多貶少，筆者嘅體驗有少少出入。雞肉係全去骨，所揀選嘅雞唔肥，皮夠晒薄，不會有肥膩感。雞腿嘅肉質當然嫩滑，不過雞胸肉就比較鞋身。筆者亦觀察到網上討論話海南雞用浸製法煮，所以雞味已浸去。不過筆者曾經在印尼街邊檔食過有雞味嘅海南雞，同樣做到皮薄肉嫩，想是雞嘅本質吧。話說回來，這裡嘅雞油飯是十分出色的，飯粒粒金黃，入口即能輕易感受到雞油香味，不過飯粒唔夠乾身，略嫌美中不足。豆腐斑腩煲味道偏鹹，不過無論火腩或斑腩都十分入味。包圍著斑腩嘅麵粉比較厚，薄一點比較好。蒸肉餅用料十分豐富，除了魷魚粒之外，還有冬菇粒，而且唔係寥寥數粒敷衍了事。不過肉餅本身比較硬身，靚嘅蒸肉餅應該一「篤」就開。而且肉餅顏色太白，雖然唔會影響味道，但觀感上遜色一點。炒通菜有點喜出望外，最初以為會很油膩，但出嚟嘅效果反而唔係油淋淋，菜亦炒得比想像中清爽。前文雖然讚多彈少，不過用膳完畢之後筆者皮膚出現大面
聞說這裡嘅海南雞被譽為全港最好食的，網上評論亦褒多貶少，筆者嘅體驗有少少出入。雞肉係全去骨，所揀選嘅雞唔肥，皮夠晒薄，不會有肥膩感。雞腿嘅肉質當然嫩滑，不過雞胸肉就比較鞋身。筆者亦觀察到網上討論話海南雞用浸製法煮，所以雞味已浸去。不過筆者曾經在印尼街邊檔食過有雞味嘅海南雞，同樣做到皮薄肉嫩，想是雞嘅本質吧。話說回來，這裡嘅雞油飯是十分出色的，飯粒粒金黃，入口即能輕易感受到雞油香味，不過飯粒唔夠乾身，略嫌美中不足。
豆腐斑腩煲味道偏鹹，不過無論火腩或斑腩都十分入味。包圍著斑腩嘅麵粉比較厚，薄一點比較好。蒸肉餅用料十分豐富，除了魷魚粒之外，還有冬菇粒，而且唔係寥寥數粒敷衍了事。不過肉餅本身比較硬身，靚嘅蒸肉餅應該一「篤」就開。而且肉餅顏色太白，雖然唔會影響味道，但觀感上遜色一點。炒通菜有點喜出望外，最初以為會很油膩，但出嚟嘅效果反而唔係油淋淋，菜亦炒得比想像中清爽。
前文雖然讚多彈少，不過用膳完畢之後筆者皮膚出現大面積紅疹，太座亦感到十分口乾，相信係廚師用咗不少味精。原本想俾笑面，因此理由要降低評價了。
半隻海南雞九十蚊，其他小菜每樣五十八蚊，共銀二百七十六蚊。
張貼
