影片
更多
2009-04-13
37 瀏覽
星期日晚，天氣陰陰涼，太座提議與外母一家人一齊食火鍋。今次嘅選擇係位於北角和富道嘅津味居，之前於網絡搜尋器得知此店以羊肉火鍋馳名，食客大多表示滿意，除咗涮羊肉之外，呢度嘅羊肉餃子亦很出名，可謂北角區食羊嘅專門店。一般火鍋店以合金屬鍋盛載火鍋料，不過呢度就用上銅鍋。用銅鍋嘅好處係銅傳熱較快，就算落很多火鍋料，水溫都可以很快地上升至沸點。容易煮熟嘅食物如羊肉及牛肉可以汋一汋就可以進食，既快捷又能更有效保持肉嘅鮮嫩味。在冬天時，店主更會以炭爐取代氣爐，更有北方風味。除了用銅鍋之外，此火鍋店另一特色係其自製火鍋混醬，一樣平平無奇嘅食物點上此混醬，味道即時變得活潑、多姿多彩起來，真不可小虧。食材選用方面，羊肉係用新西蘭嘅羊肉，肉呈粉紅色，羊羶味較淡，但肉質嫩滑。牛肉呈鮮紅色，肉質亦幼嫩。不論是羊肉或牛肉，夾上京蔥、蘸上混醬一起吃，味道變化更有層次。一行五個人，除了涮羊肉及牛肉之外，還嗌了京蔥羊肉餃子、三鮮餃、豬肉白菜餃及數款一般火鍋嘅丸類食物，湯底係清湯及麻辣湯底。清湯底沒有什麼值得討論，麻辣湯底麻有餘而辣不足，不過此辣度較乎合本地人胃口。筆者建議如果要試真一啲肉類嘅鮮味，用清湯去涮比較好；冇乜
今次嘅選擇係位於北角和富道嘅津味居，之前於網絡搜尋器得知此店以羊肉火鍋馳名，食客大多表示滿意，除咗涮羊肉之外，呢度嘅羊肉餃子亦很出名，可謂北角區食羊嘅專門店。
一般火鍋店以合金屬鍋盛載火鍋料，不過呢度就用上銅鍋。用銅鍋嘅好處係銅傳熱較快，就算落很多火鍋料，水溫都可以很快地上升至沸點。容易煮熟嘅食物如羊肉及牛肉可以汋一汋就可以進食，既快捷又能更有效保持肉嘅鮮嫩味。在冬天時，店主更會以炭爐取代氣爐，更有北方風味。
除了用銅鍋之外，此火鍋店另一特色係其自製火鍋混醬，一樣平平無奇嘅食物點上此混醬，味道即時變得活潑、多姿多彩起來，真不可小虧。食材選用方面，羊肉係用新西蘭嘅羊肉，肉呈粉紅色，羊羶味較淡，但肉質嫩滑。牛肉呈鮮紅色，肉質亦幼嫩。不論是羊肉或牛肉，夾上京蔥、蘸上混醬一起吃，味道變化更有層次。
一行五個人，除了涮羊肉及牛肉之外，還嗌了京蔥羊肉餃子、三鮮餃、豬肉白菜餃及數款一般火鍋嘅丸類食物，湯底係清湯及麻辣湯底。清湯底沒有什麼值得討論，麻辣湯底麻有餘而辣不足，不過此辣度較乎合本地人胃口。筆者建議如果要試真一啲肉類嘅鮮味，用清湯去涮比較好；冇乜味嘅食物如粉絲、粉皮、蔬菜類，用麻辣湯底會更惹味。
另外，值得一提這裡嘅豆沙鍋餅，薄薄一層煎得金黃香脆嘅表皮，入口煙韌，豆沙清清地唔太甜，恰如其分為整餐劃上完美嘅句號。
價錢方面，我們點了一個涮羊肉火鍋餐($219)，包括羊肉片一斤、天津白菜、豆腐(如百福豆腐大小)、粉絲、什錦丸(包括龍蝦丸、蟹子丸等)，還有三鮮餃十隻($30)、京蔥羊肉餃十隻($32)、綠豆粉皮等。共銀五百三十二蚊，平均每人一百零六蚊。
張貼
