甜品老媽 (已結業)

食完簡單嘅泰國菜之後，太座與筆者被冇幾遠嘅甜品舖吸引，其招牌甜品係雪花刨冰。雪花冰配搭多樣化，可選不同味道嘅冰底、生果、醬汁及其他配料如台式珍珠等。太座以綠茶冰底配上相同味道嘅醬汁，再加白珍珠及三色Q果。筆者則叫咗上元丸配薑湯。所謂雪花冰，口感似冇落牛奶嘅雪糕，亦即係似雪葩。Q果原應似台式珍珠般，甜甜地煙煙韌韌，但這裡嘅Q果則像有色蒟蒻，一點甜味也沒有。不過話說回來，這甜品有雪葩嘅效果，也是出色之作；上元丸與湯圓類似，餡料有芝麻、花生及糖冬瓜。上元丸外皮煙韌，餡料不太甜，不過似乎唔係幾夠香。薑湯清甜又帶有輕微嘅薑辣味，十分暖胃。食物總體來說可算合心意，但座位高矮比較尷尬，坐得唔係咁舒服。雪花冰底廿五蚊，加配料七蚊；上元丸十六蚊五粒。共銀四十八蚊，平均每人廿四蚊。