影片
更多
2009-06-10
91 瀏覽
星期六，太座與朋友J於銅鑼灣置新裝。及後與筆者會合，一同往跑馬地晚膳，地點正是朋友J屋企附近嘅「正斗」。本地嘅粥麵，以幾家人為首，其後發展出「池記」、「麥奀記」、「何洪記」、「劉森記」等著名粥麵食府，聞說皆各自勝長。月前試過了「劉森記」，筆者覺得其蝦子撈麵水準不過矣矣。今次嚟到「正斗」，當然唔會錯過其出品嘅蝦子撈麵。論其蝦子撈麵，可分幾方面詳談。首先係隨撈麵奉上嘅湯料，入口清甜甘香，唔似有落過味精，相信有落足夠嘅大地魚及豬骨肴製而成，以同樣嘅湯底所泡製嘅牛肉湯麵也非常出色；麵條爽口又彈牙，絕無鹼水味，屬上佳之選；蝦子份量雖然唔慷慨，但充滿蝦子鹹香，只需少許份量，已足夠令平淡嘅麵條生色不少。太座嘅北菇滑雞粥，筆者只嚐了一口而已。但此份量已足夠體會到粥底夠綿之外，雞肉亦很滑。材料亦十足，瑤柱份量不少，令粥品更添香味，為咗令粥底味道更出色，相信小量嘅味精是走不了的。蜆芥炸鯪魚球材料充實，鯪魚肉大幅多於麵粉，所以鯪魚球咬落十分彈牙，放涼之後亦唔會因為麵粉過多而收縮皺皮。出色嘅食物通常都有代價。這裡嘅粥粉麵比一般嘅昂貴，普通一碗粥或麵都要五十蚊先有交易。三個人要二百四十三蚊埋單，平均每人八十一蚊
本地嘅粥麵，以幾家人為首，其後發展出「池記」、「麥奀記」、「何洪記」、「劉森記」等著名粥麵食府，聞說皆各自勝長。月前試過了「劉森記」，筆者覺得其蝦子撈麵水準不過矣矣。今次嚟到「正斗」，當然唔會錯過其出品嘅蝦子撈麵。
論其蝦子撈麵，可分幾方面詳談。首先係隨撈麵奉上嘅湯料，入口清甜甘香，唔似有落過味精，相信有落足夠嘅大地魚及豬骨肴製而成，以同樣嘅湯底所泡製嘅牛肉湯麵也非常出色；麵條爽口又彈牙，絕無鹼水味，屬上佳之選；蝦子份量雖然唔慷慨，但充滿蝦子鹹香，只需少許份量，已足夠令平淡嘅麵條生色不少。
太座嘅北菇滑雞粥，筆者只嚐了一口而已。但此份量已足夠體會到粥底夠綿之外，雞肉亦很滑。材料亦十足，瑤柱份量不少，令粥品更添香味，為咗令粥底味道更出色，相信小量嘅味精是走不了的。
蜆芥炸鯪魚球材料充實，鯪魚肉大幅多於麵粉，所以鯪魚球咬落十分彈牙，放涼之後亦唔會因為麵粉過多而收縮皺皮。
出色嘅食物通常都有代價。這裡嘅粥粉麵比一般嘅昂貴，普通一碗粥或麵都要五十蚊先有交易。三個人要二百四十三蚊埋單，平均每人八十一蚊。價錢是貴了一點，但換來出色嘅美食，也是值得的。
張貼
