影片
更多
2009-10-09
7 瀏覽
星期六，炎炎八月嘅其中一天。與太座嘅中學同學晚膳，順道讓大家觀摩一下大咗肚嘅太座。其實類似嘅活動近月不斷發生，太座亦習以為常。素聞此店嘅小菜相當有水準，太座亦希望發掘一些新食點，一行六人，便各自提議幾款小菜。先論外貌，食物擺放得工整，雖份量不多，但賣相確實是頗討好的。總共點了九款菜：爆燒脆腩仔($80)精緻的以四乘四嘅方陣排列，頗有心思。每「粒」燒腩仔份量只是一口，豬皮炸得甘香且脆，豬肉亦層次分明，除了份量真的太少之外，可以投訴嘅地方不多；東瀛生煎大蝦($98)煎軟了嘅蝦殼，一剝便與蝦肉分離。蝦肉煎得香甜爽脆，簡單的配上薄薄嘅茨汁，都幾惹味；話梅骨($68)碟中不見有話梅，但見一大塊菠蘿。排骨經酸酶嘅處理，骨肉已醃得分離，去骨全無難度。醬汁固然是酸的，但欠缺了話梅嘅香氣，稍有不足；瑤柱肉碎蒸水蛋($80)水蛋蒸得頗滑，蛋中不見氣泡，肉碎及瑤柱分佈亦均勻，是送飯佳品；干煸四季豆($80)單看價錢，是有點嚇人的，但四季豆炒得十分均勻，不會有些較淡，另一些較鹹，香氣四溢，夠鑊氣之餘，師傅嘅炒功是不馬虎的；荷蘭豆珊瑚雪花蚌($90)珊瑚蚌用料不是最新鮮的，從皮膚反應可知一二，不過肉質算是爽甜；
素聞此店嘅小菜相當有水準，太座亦希望發掘一些新食點，一行六人，便各自提議幾款小菜。先論外貌，食物擺放得工整，雖份量不多，但賣相確實是頗討好的。總共點了九款菜：
爆燒脆腩仔($80)精緻的以四乘四嘅方陣排列，頗有心思。每「粒」燒腩仔份量只是一口，豬皮炸得甘香且脆，豬肉亦層次分明，除了份量真的太少之外，可以投訴嘅地方不多；
東瀛生煎大蝦($98)煎軟了嘅蝦殼，一剝便與蝦肉分離。蝦肉煎得香甜爽脆，簡單的配上薄薄嘅茨汁，都幾惹味；
話梅骨($68)碟中不見有話梅，但見一大塊菠蘿。排骨經酸酶嘅處理，骨肉已醃得分離，去骨全無難度。醬汁固然是酸的，但欠缺了話梅嘅香氣，稍有不足；
瑤柱肉碎蒸水蛋($80)水蛋蒸得頗滑，蛋中不見氣泡，肉碎及瑤柱分佈亦均勻，是送飯佳品；
干煸四季豆($80)單看價錢，是有點嚇人的，但四季豆炒得十分均勻，不會有些較淡，另一些較鹹，香氣四溢，夠鑊氣之餘，師傅嘅炒功是不馬虎的；
荷蘭豆珊瑚雪花蚌($90)珊瑚蚌用料不是最新鮮的，從皮膚反應可知一二，不過肉質算是爽甜；
鍾家蒸肉餅(半例，$80)被整成四方型，賣相突出。馬蹄、肉碎、冬菇等材料撈得十分均勻，肉汁豐富，也是送飯佳品；
上湯蒜子浸油麥菜($80)中嘅上湯清甜，加上蒸過嘅蒜子所發出嘅香味，令油麥菜嘅味道更多變化，不再單調乏味；
瑤柱蛋白炒絲苗($120)是最貴嘅一道菜， 每顆米粒都炒得乾爽挺身，入口結實有咬口，配合瑤柱、香蔥等材料，十分可口；
埋單共銀八百九十蚊，平均每人一百四十八蚊。雖然每碟嘅份量不多，不過人均消費又冇預期中那麼貴，也算是物有所值的。
張貼
