心。泰 (已結業)

我鐘意食泰國菜，四圍去試。雖然無咩研究，不過都食得出佢唔算係正宗泰國野食。主要原因可能係無乜用香料，泰國野唔係好似好多香港人既stereotype咁，淨係得個辣字同椰汁。佢煮法好中式，可能係咁，幾岩我口味。但係我朋友平時食開東南亞野就唔多鐘意。入到去差d想走點左4樣野，海鮮喇沙米線，炒通菜，泰。串同埋甜品芒果糯米飯1. 海鮮喇沙米線個喇沙湯好重椰汁味，好香。不過辣左d同太油，我唔食得辣，所以係咁呻鼻涕，出晒洋相 :S 如果怕辣就唔好點呢個啦，配埋米線中和返少少辣味。所以我都鯨吞左大半碗。d送好足，好多漁肉，2個人都夠食。2. 蝦醬炒通菜唔係馬拉盞!! 夠晒中式!幾夠味，幾好食，不過太油! 3. 泰。串乜都有，賣相幾好，有燒烤味，不過可能天口仲冷，好快凍左。個燒菠籮好呃錢，唔當灶，酸到死! 個汁都係好辣呀，得個辣字，無其他味4. 芒果糯米飯賣相一流呀，上面塊糖醬好靚，岩岩上菜個時有d燈光襯托好靚，有d surprise幾好食，不過不失，唯一挑剔到既係糯米入面有d硬食左3舊幾水，都合理餐廳黎講係好食，不過泰國菜黎講就唔合格下次都係食返正宗既好d，唔會一味得個辣字