影片
更多
2015-09-08
409 瀏覽
2015.09.01【9.1 開學"印"記~滋味行TASTY ROAD】一早陪小師妹返HKU熟習地理環境，傾吓講吓又到LUNCH TIME，以佢嘅勤力性格，估計佢往後LUNCH都幫襯CANTEEN，所以帶佢落山去搵好嘢食，搭一個站，話咁快就到西營盤。(天! 點解我讀書果時地鐵唔直達?)美意居附近(有相為證)，其實同上環都好近。 從外面望入去幾整潔，入到去其他客人ORDER嘅食物香味已經令人要坐低點菜。之前同其他朋友LUNCH TIME食印度菜，通常都叫1份SET LUNCH 2人分，呢間餐廳居然做BRUNCH，當然要叫番個啦，之後先慢慢研究MENU。等食中，嘩，先嚟個香辣薄脆做頭籃，咪睇佢平平無奇，食過你先知咩一回事，愛辣之人一定唔會錯過。跟BRUNCH嘅沙律同什菜咖喱角接住香辣薄脆，沙律嘅清新洗走口腔辣味，什菜咖喱角揭開咗呢餐嘅序幕，第一次食印度菜嘅師妹高呼好正，我就成個咖喱角讓咗俾佢。我叫嘅炒蝦仁，呢個炒蝦仁其實係炸蝦仁(睇英文你先至知)但唔蝦人，唔係蝦膠，咬開你會見到隻蝦。上次試過尼泊爾辣雞鎚，今次就試吓尼泊爾蒸餃子(雞肉餡)，佢唔會好似韮菜餃咁濃味，又唔會好似白菜豬肉餃咁淡，介
一早陪小師妹返HKU熟習地理環境，
傾吓講吓又到LUNCH TIME，
以佢嘅勤力性格，
估計佢往後LUNCH都幫襯CANTEEN，
所以帶佢落山去搵好嘢食，
搭一個站，話咁快就到西營盤。(天! 點解我讀書果時地鐵唔直達?)
美意居附近(有相為證)，其實同上環都好近。
從外面望入去幾整潔，入到去其他客人ORDER嘅食物香味已經令人要坐低點菜。
之前同其他朋友LUNCH TIME食印度菜，通常都叫1份SET LUNCH 2人分，呢間餐廳居然做BRUNCH，
當然要叫番個啦，之後先慢慢研究MENU。
等食中，
嘩，先嚟個香辣薄脆做頭籃，咪睇佢平平無奇，食過你先知咩一回事，
愛辣之人一定唔會錯過。
跟BRUNCH嘅沙律同什菜咖喱角接住香辣薄脆，沙律嘅清新洗走口腔辣味，
什菜咖喱角揭開咗呢餐嘅序幕，
第一次食印度菜嘅師妹高呼好正，
我就成個咖喱角讓咗俾佢。
我叫嘅炒蝦仁，呢個炒蝦仁其實係炸蝦仁(睇英文你先至知)
但唔蝦人，唔係蝦膠，
咬開你會見到隻蝦。
上次試過尼泊爾辣雞鎚，今次就試吓尼泊爾蒸餃子(雞肉餡)，
佢唔會好似韮菜餃咁濃味，又唔會好似白菜豬肉餃咁淡，
介乎兩者中間，絕對係好嘗試。
BRUNCH嘅主菜，師妹唔怕羊羶味，點咗咖喱炆羊肉，
羊肉炆得好腍，入口即可吞食，適合老人家食用，
剩低嘅咖喱汁，用NAAN點，一滴不留，
所以食印度菜，識食，一定點NAAN。
食咗咁多碳水化合物同肉類，要用蔬菜平衡吓，
蒜蓉西蘭花唔似中式炒法，
中式炒法，蒜蓉一定白色，
呢個西蘭花，金黃蒜呀，係金黃蒜呀。
師妹跟BRUNCH咖啡，再叫士多啤梨LASSI，
我愛芒果，自然芒果LASSI，
濃厚芒果令人醉，你睇，第一啖，飲幾多。
用一陣勁快WIFI CHECK吓EMAIL，再去IFC玩，完美嘅開學"印"記就在今日。
題外話/補充資料：
有勁快WIFI
(以上食評乃用戶個人意見 , 並不代表OpenRice之觀點。)
張貼
