影片
更多
2015-09-13
1700 瀏覽
2015.09.03【9. 3 英法聯軍，俘虜味蕾~滋味行TASTY ROAD】難得一次嘅紀念假期，當然要同E美女聚一聚。中午時分由銅鑼灣逛到中環，花錢SHOPPING時，醫肚就簡單啲，一直用魚蛋、豆漿充飢，繼續由尖咀逛到旺角直到傍晚，行到雙腳冇力，就搵間特色店食吓嘢、休息吓、睇番吓啲戰利品。好喜歡呢隻綠色，被佢吸引住，可能同HKU的COLOUR TONE近似，有黑板 “塗鴉”(其實係店舖宣傳)，令人懷念無憂無慮嘅校園生活，加上E美女愛咖啡，就咁我哋入去食啦。我就唔係好識咖啡，但成個環境都有好多好專業嘅沖咖啡工具，所以我都忍唔住對佢影咗幾張相，MENU最後一頁係手繪，又係我杯茶，所以飲品我決定由呢頁。我ORDER冰蜜桃茶，E美女ORDER冰藍柑桔菠蘿蘇打，冰蜜桃茶有香香蜜桃味，唔太甜，絕對唔係鐵罐蜜桃茶。冰藍柑桔檸檬蘇打，冰藍撞檸檬黃，顏色透心涼，相信應該幾解渴。2001年法國電影<<Amelie>>,女主角鍾意焦糖燉蛋剛好呢度有焦糖燉蛋撻一定要叫，學吓Amelie，用匙羹敲脆脆焦糖表面，薄薄的蛋撻皮，咬落去質感又有啲似CHEESE CAKE，好得意，愛
難得一次嘅紀念假期，
當然要同E美女聚一聚。
中午時分由銅鑼灣逛到中環，
花錢SHOPPING時，
醫肚就簡單啲，
一直用魚蛋、豆漿充飢，
繼續由尖咀逛到旺角
直到傍晚，
行到雙腳冇力，
就搵間特色店食吓嘢、休息吓、睇番吓啲戰利品。
好喜歡呢隻綠色，被佢吸引住，可能同HKU的COLOUR TONE近似，有黑板 “塗鴉”(其實係店舖宣傳)，令人懷念無憂無慮嘅校園生活，
加上E美女愛咖啡，就咁我哋入去食啦。我就唔係好識咖啡，但成個環境都有好多好專業嘅沖咖啡工具，
所以我都忍唔住對佢影咗幾張相，MENU最後一頁係手繪，又係我杯茶，
所以飲品我決定由呢頁。
我ORDER冰蜜桃茶，
E美女ORDER冰藍柑桔菠蘿蘇打，
冰蜜桃茶有香香蜜桃味，唔太甜，絕對唔係鐵罐蜜桃茶。
冰藍柑桔檸檬蘇打，冰藍撞檸檬黃，顏色透心涼，相信應該幾解渴。
2001年法國電影<<Amelie>>,女主角鍾意焦糖燉蛋剛好呢度有焦糖燉蛋撻
一定要叫，學吓Amelie，
用匙羹敲脆脆焦糖表面，
薄薄的蛋撻皮，咬落去質感又有啲似CHEESE CAKE，
好得意，愛焦糖燉蛋撻同CHEESE CAKE人士必須試。
去CAFÉ,一定要叫同咖啡相關嘅飲品同食品，
雪糕咖啡同賣相獨特嘅咖啡豆窩夫(Coffeettee)喺今次滋味行嘅新體驗，
雪糕咖啡，如果妳唔撈勻，底部嘅齋啡係非常苦澀，而雪糕又非常甜，兩者撈勻後，等佢溶少少，妳會飲到奶昔狀咖啡，第一次，感覺好新鮮。
至於咖啡豆窩夫(Coffeettee)又係有心思，造型成粒咖啡豆嘅窩夫，完全表達呢間店係有心做咖啡，
要咗Cookies and cream口味，
有oreo 、可可脆卷同焦糖香蕉配住碎曲奇朱古力雪糕(我覺得雪糕應該係Dreyer's)
以上嘅法國代表實在令人心動。
跟住叫咗英法國代表，炸魚薯條(FISH & CHIPS)
噢，一食不得了，
妳唔會再想食M記的炸魚食品同薯條，
呢個炸魚肉嫩，同埋食得出薯條係真薯仔(咁妳明啦)，
點唔點茄汁、BBQ醬、特製SAUCE都得，
要得到最滋味當然係唔點啦，
食咗呢個真係好有衝動去UK，
怕就怕會肥啫，因為油炸，所以叫一人份量，
五餅二魚分咗佢。
再叫一個煙三文魚忌廉芝士比高包，好喜歡佢好似JAMIE OLIVER喺TV SHOW咁上菜，
好有FEEL好正，
餡料簡單又好味:煙三文魚、生菜同蓄茄。
原來E美女想儲吓錢開CAFÉ，
所以佢一放假出街飲嘢食嘢，一定離唔開CAFÉ，
我諗以後同佢出街，會試唔同咖啡，
今日呢餐英法聯軍，俘虜咗我味蕾啦。
題外話/補充資料：
情侶談心都OKAY，年青人較多
(以上食評乃用戶個人意見 , 並不代表OpenRice之觀點。)
張貼
