影片
更多
2017-01-20
249 瀏覽
2016年黎到最後一日啦，12月31啦，賴生又同屈小姐出街倒數啦！今日個天又勁靚，賴生同屈小姐去左行山，由灣仔行到香港仔，再番灣仔，超級攰，但影左好多靚相呀❤❤❤！行完之後，梗係要第一時間醫肚啦！黎到灣仔，屈小姐又突然內心交戰，諗緊向左走食餃子好，定向右走食泰國野好，呢D時候，賴生梗係要出手啦😌，等架車過埋之後，賴生就拖住屈小姐隻手向右拔足狂奔啦，難得今日倒數，梗係要請屈小姐食好D啦！順便多謝屈小姐呢一年照顧得賴生咁好麻！另一方面，新泰係屈小姐個To Eat List好耐嫁啦，佢一路都想搵fd陪佢食，今次由賴生化身大食fd陪佢食，KO個list啦！黎到新泰既時候都係7點半左右，可能今日倒數D人會遲少少食，我地即刻有位坐😆！新泰位於W plaza 2樓全層，地方好大，坐得好舒服，張枱都夠大，放得晒我地叫既野食(註: 我地係比較大食既)，成間餐廳都好多泰國裝飾，無論傳統或者現代化都有！係我地張枱側面果個係佛像水幕，幾型格嫁！經過我地詳細商議之後，我地決定左叫5樣野黎食（其實只係得我地2個人）1）巴東牛𦟌 （4.5星）- 好正呀！個汁好濃嫁！點蒜蓉包食真係一流！至於味道呢，甜得黎得少少辣，比
黎到灣仔，屈小姐又突然內心交戰，諗緊向左走食餃子好，定向右走食泰國野好，呢D時候，賴生梗係要出手啦😌，等架車過埋之後，賴生就拖住屈小姐隻手向右拔足狂奔啦，難得今日倒數，梗係要請屈小姐食好D啦！順便多謝屈小姐呢一年照顧得賴生咁好麻！另一方面，新泰係屈小姐個To Eat List好耐嫁啦，佢一路都想搵fd陪佢食，今次由賴生化身大食fd陪佢食，KO個list啦！
黎到新泰既時候都係7點半左右，可能今日倒數D人會遲少少食，我地即刻有位坐😆！新泰位於W plaza 2樓全層，地方好大，坐得好舒服，張枱都夠大，放得晒我地叫既野食(註: 我地係比較大食既)，成間餐廳都好多泰國裝飾，無論傳統或者現代化都有！係我地張枱側面果個係佛像水幕，幾型格嫁！
經過我地詳細商議之後，我地決定左叫5樣野黎食（其實只係得我地2個人）
1）巴東牛𦟌 （4.5星）
- 好正呀！個汁好濃嫁！點蒜蓉包食真係一流！至於味道呢，甜得黎得少少辣，比起一般咖哩，相信呢個汁會更襯蒜蓉包，皆因佢係甜為主，夾番麵包既微甜味道，易入口D，同埋佢稠過一般咖哩，加上D牛炆得好淋，真係會唔小心撈幾碗白飯食肥幾磅
- 不過呢，我地覺得佢似牛肉多過似牛𦟌喎，雖然都係好味，不過改錯名喎！ 另外，入面都有好幾件牛筋，係好惗好似啫哩果隻，屈小姐最愛
2）蒜蓉包 （4.5星）
- 都好出色，焗到好脆同好熱，仲超香蒜蓉味！食既時候小心D包包碎呀！
- 相信佢牛油塗埋底層仲正！(仲邪惡添)
3）鐵板蠔仔蛋 （4星）
- 好大碟，蛋亦做得好厚身，完全包實D蠔仔，而且D蠔仔都粒粒飽滿嫁！食落係好綿密既，質感就做得幾好啦！只係單論味道呢，佢蠔仔既鮮味，唔太夠，變左要靠佢比果碟辣醬去調味！可以改善下！
4）冬蔭功炒飯 （4.5星）
- 好足料既炒飯，海鮮勁大粒，勁大隻！有青口，魷魚同蝦❤❤
- 味道就好特別，因為係冬蔭功，成個飯都橙色既，食到好出既冬蔭功辣味(唔係好辣既，所以屈小姐都食到)，最正係中間夾左好多金不換，辣得黎酸酸甜甜，幾好食！
- 唯一一樣扣分位，食完係成個碟底都係油既
5）生菜魚肉包 （4.5星）
- 呢個餸係我地好奇心作崇之下叫左既⋯其實佢係一條魚起晒肉切粒加蜜糖再炸，加入洋蔥粒，青檸粒（連皮），花生粒，辣椒粒，蒜粒，同炸過既蝦米拌成！，所以口感一流嫁！
- 味道就勁啦！魚肉甜(因為面有蜜糖炸過)，青檸酸，辣椒既辣(註: 要小心一粒都已經好辣架啦)，蝦米同花生既香，包埋生菜食落口真係超有層次同豐富，的確係開胃既
- 可惜呢類餸有個通病，生菜唔夠/有D太細塊好難包
- 同埋呢個真係好好好大碟，強烈強烈強烈建議人多先叫！(千祈唔好學屈小姐咁強行食哂，最後搞到胃痛同埋短期內唔敢再食泰國野住)
食完呢餐，真係劇飽呀⋯⋯，有下次嫁，不過要多D人黎幫手！最好一大班fds尼開大餐，就可以試多幾樣啦！
#又KO一間
#多謝妳呢一年黎既照顧
#倒數的約定
#勾手指尾打過印
#有新朋友陪我地倒數
#煙花好震撼呀
#下次我唔會咁蠢嫁啦🙈
#拔足狂奔果陣既妳笑得好燦爛
#暫時唔食泰國野住😂😂😂
巴東牛𦟌
$98
14 瀏覽
0 讚好
0 留言
蒜蓉包
$30
16 瀏覽
0 讚好
0 留言
鐵板蠔仔蛋
$88
36 瀏覽
0 讚好
0 留言
冬蔭功炒飯
$78
24 瀏覽
0 讚好
0 留言
生菜魚肉包
$138
32 瀏覽
0 讚好
0 留言
張貼
