備長

營業中

休息中

來到2016年第一個工作天，當然就要 happy hour啦！大家首選備長，一來地點方便，二來串燒又好食，一於再返嚟。同事們一坐低就叫了幾杯生啤，酒精其實我一向都唔太好，反而最掛住呢度嘅串燒！佢地嘅厚燒牛舌燒得特別好食，牛舌夠厚身，燒出來外脆內軟，又夠juicy。虎蝦質素高，大隻又新鮮，肉質超級爽口彈牙！燒廣島蠔都唔錯，火候剛好，唔會燒啲肉縮哂水，配搭醬汁更能突出生蠔本身鮮味。豚之大腸係外面比較少吃到的串燒，大腸切成條狀燒至香脆，味道濃郁有咬口，比起係街邊食到嘅炸大腸少了一份油膩感，但增添了一份香口感。我對內臟有著莫名嘅興趣，尤其喜歡吃雞肝，雞肝燒得好一點都不易，一過火就會太乾起沙好難入口， 這裡的雞肝做得出色，時間拿捏得剛剛好，裡面剛熟而且肉質嫩滑。開開心心又一天，2016年愉快新開始。