東海滬 (已結業)

朋友仔住美孚又帶個B, 所以生日飯就揀係佢附近食。見到呢間都有啲特色菜，咪來試下囉！由於係星期日，限時，我地book左6-8。座位寬敞，又可能新開的關系，環境唔錯。6至8呢段時間唔full, 點左菜後，好快有得食。唔多人，但都漏單。侍應又唔多夠，不過服務都算係咁。黃橋燒餅先上，色澤唔多夠，白奶晒，個面好多芝麻食落好個皮好酥軟，入面啲肉熱辣辣，好再來小籠包皮未算好薄，但都好多湯汁，肉好鮮，唔錯！口水雞，我唔食雞，所以無試。朋友話好味，個汁唔錯。火腿津白，正常，份量略少。金蓮火方，呢個我期望好大，但有少少失望。個蜜汁好稀。但成嚿野包埋一齊，係ok的。鱔糊麵，麵好大的一碗。鱔糊個芡又係稀左啲，但味道都可以。整體其實都可以，但食唔飽。埋單後仲俾左張85折優惠券。