英皇紅酒扒房 (已結業)

2016.12.10【12.10 被KING'S 氹到笑番】 今星期都係忙忙忙，有開心同唔開心， 星期三四五都係丁丁做晚餐， Weekend就要好好犒賞自己， CC帶我去以前上Course嘅地方搵食， 果時買個包就上堂，原來行多幾步，就有好氣氛嘅餐廳。幾好氣氛，幾好情調，仲有WIFI  精選扒餐有幾個都好吸引， 包餐湯、炸薯角及烤雜菜、咖啡或茶。 一豬一牛， 一同分享， 完美組合。 餐湯2款:雜菜湯、粟米蓉湯雜菜湯酸酸辣辣，好開胃。粟米蓉湯粟米味超甜。 美國穀飼牛肉眼10oz CC揀 七成熟，大大塊，份量十足。 火喉拿捏得宜，絕無overcook，juicy肉嫩。 脆皮德國鹹豬手、炸薯角 鹹豬手皮脆脆， 肉腍腍大滿足。切豬手時，皮脆得出聲。炸薯角趁熱食，脆口好食。  店員細心，提示脆皮豬手炸過，怕油膩，可點芥末。隨即奉出芥末。 熱咖啡、熱檸茶 沒甚麼特別原因，就是喜歡， 是毋須戒掉而又戒不掉習慣。 牛豬合壁， 勞逸平均， 人生，就應該如此。因為好味好態度，我被KING'S 氹到笑番。