小川屋 (已結業)

是晚同女友去完大球場睇7人欖球決定去大坑搵食，行一圈都未諗到食咩，諗住返銅鑼灣時，女友發現尼間係食川菜，睇門口仲以為食串燒都無去望，再睇下MENU價錢又唔貴，即刻就入左去坐試下佢。店內環境乾淨整潔，店鋪細細，有十幾個位。樣樣都幾十蚊相信份量都唔會太大，決定叫多幾樣試下佢，我地兩個人叫左四川鍋筍、麻辣墨魚咀、紅油抄手、口水雞(例)、招牌擔擔麵，野飲方面原本係叫薏米豆漿，店員告知買左薏米返黎唔靚，所以無做，最後叫左粟米豆漿。第一樣到概係四川鍋筍，係涼菜有麻油香咁清清地，店員都有問要唔要的辣油，我地無要到，始終食菜都唔想咁油，食到最後鍋筍有小小渣。之後就到麻辣墨魚咀啦，串燒/炸就試得多，尼種煮法就真係第一次，食落口勁爽口，醬汁亦夠麻辣，女友同我都唔捨得食哂，食到最後一粒我個粒唔知係咪有塊膠片，店員話應該就唔係，不過都無阻我對尼道餸概熱愛。紅油抄手尼道菜平常如果係我一定唔會叫，係女友想食，但黎到試左係我估唔到咁好味，佢個醬汁甜甜辣辣，味道適中，好正。原本係想叫雞絲涼麵，見佢推介就決定要擔擔麵，叫個陣店員都有提醒我地會比較細碗，我地想試多幾樣，所以絕不是問題呀，撈麵條時有小小麻煩因為碗細細但滿哂