宮崎日式燒肉店 (已結業)

今晚個FD生日，梗係食好D啦，最後就揀左宮崎啦。宮崎大家都知食咩，都唔係第一次食，但係咁多年黎Ｄ質素ＫＥＥＰ唔ＫＥＥＰ到又另一回事啦。我覺得依家既宮崎既海鮮無以前咁多，但係大海蝦都仲ＫＥＥＰ到係好味！呢個仙氣豚肉拎黎呃ＬＩＫＥ最正啦，不過拿拿聲食，唔係成枱都係水肉方面都唔差既，選擇好多，亦有唔同口味，夠新鮮，Ｄ肉好夠味！大家都會覺得去燒肉舖食野梗係狂食肉就正啦，不過我就鐘意乜都食下試下。不過我Ｄ　ＦＤ就狂叫狂燒肉，不過又真係幾好食既。當然唔少得刺身啦，甜蝦同帶子都好食！同場加映隱藏餐單——燒菠蘿　菠蘿燒完真係好食好多，就算酸個Ｄ燒完都會唔同哂層次。我覺得依家既宮崎都仲係幾好味既，但係好似比以前既宮崎稍差。如果可以繼續維持以前既海鮮點單同燒肉醬有更多花款，我相信會更好！