影片
更多
2017-07-15
983 瀏覽
今日週末休休閑閑行下海旁， 跟住偶然比我見到呢架美食車， 其實之前睇報紙報導時，一直都想試呢隻五色餃子。報導話五色餃子寓意五代同堂，分為白、黃、綠、紅、紫，白 — 最常見的餃子，內是韮菜豬肉餡；黃 — 黃薑粉皮，栗米豬肉餡；綠 — 菠菜皮，冬菇白菜豬肉餡；紅 — 番茄皮，甘筍雲耳豬肉餡；紫 — 紅菜頭皮，香茜木耳豬肉餡。有時隨遇而安，唔使特登搵，咁啱又畀我食到，真係太好喇。今日唔使排隊， 而且基本上係一手交錢一手畀食物，唔洗點樣等，夠爽快。我以為40蚊只有五個，原來一碟有七個，但其中有一個係爛咗嘅。價錢OK啦，而且能夠一次過試曬五隻味嘅餃子，我覺得好滿足。每隻味都好合我胃口，我好喜歡！而我最讚賞嘅係佢配嘅汁，真係好好味，酸辣甜鹹各樣都適中，而且裏面仲有啲脆蒜，超讚。買嘢食嘅時候，聽見老闆同另外一個人訴苦，似乎經營好困難咁，唉。 我原本好悠閒好想好好享受食物嘅心情都被影響咗少少！ 食物係好好食，但係喺路邊畀風吹住個頭咁樣食餃子，確實唔係好方便。 一隻手揸盒，另外一隻手要挾餃子，又想點下醬汁，食起嚟真係有啲論盡。一邊食一邊就喺度諗如果可以喺店舖裏邊食就好喇~~
白 — 最常見的餃子，內是韮菜豬肉餡；
黃 — 黃薑粉皮，栗米豬肉餡；
綠 — 菠菜皮，冬菇白菜豬肉餡；
紅 — 番茄皮，甘筍雲耳豬肉餡；
紫 — 紅菜頭皮，香茜木耳豬肉餡。
有時隨遇而安，唔使特登搵，咁啱又畀我食到，真係太好喇。今日唔使排隊， 而且基本上係一手交錢一手畀食物，唔洗點樣等，夠爽快。我以為40蚊只有五個，原來一碟有七個，但其中有一個係爛咗嘅。價錢OK啦，而且能夠一次過試曬五隻味嘅餃子，我覺得好滿足。每隻味都好合我胃口，我好喜歡！而我最讚賞嘅係佢配嘅汁，真係好好味，酸辣甜鹹各樣都適中，而且裏面仲有啲脆蒜，超讚。
買嘢食嘅時候，聽見老闆同另外一個人訴苦，似乎經營好困難咁，唉。 我原本好悠閒好想好好享受食物嘅心情都被影響咗少少！
食物係好好食，但係喺路邊畀風吹住個頭咁樣食餃子，確實唔係好方便。 一隻手揸盒，另外一隻手要挾餃子，又想點下醬汁，食起嚟真係有啲論盡。一邊食一邊就喺度諗如果可以喺店舖裏邊食就好喇~~
張貼
