味苑 (已結業)

17:30分先放飯，趕得切黎味苑叫個下午茶餐，超抵食，$40，有大大碗叉燒燒鵝飯，跟餐飲熱朱古力，平民街坊最啱。入到黎地方濶落，好多位置，包括樓上，扮到好似古色酒樓咁，有d假雀籠吊燈，幾得意。碗叉燒燒鵝飯黎到大大碗，食到捧住個肚出門口，叉燒半肥瘦唔錯，燒鵝就肥左小小，冇乜肉食咁，但$40蚊都算Ok㗎喇！原來呢度冇阿華田飲㗎，不過有朱古力，落足朱古力粉沖㗎，唔會好稀冇晒味。順帶一提，侍應好有禮貌㗎，亦好好笑容，值得一讚。