鳴越越式料理

營業中

休息中

今日係中環睇完醫生，喺附近諗住搵間餐廳食下午茶。點知行行吓發現有間係地庫嘅越式餐廳價錢合理，選擇都好多，仲有下午茶餐添，所以就膽粗粗入嚟試一試。我同朋友每人叫左一個湯粉。識食梗係食生牛肉湯河啦。另外再叫咗個香茅豬扒湯濛。兩個湯粉湯底都試出完全都係冇味精嘅湯底。因為我哋兩個都未食lunch，所以見到有個升級優惠、平平哋加左一個越式炸蝦餅同埋炸春卷。雖然平平哋，但係質素都好好，炸出嚟熱辣辣、香噴噴，蝦餅夠煙靱、春卷外脆內軟包埋生菜食簡直係一流。另外特色飲品都係加＄6，我叫左個金橘青檸梳打，好欣賞！因為佢冇另外再加糖水完全係金桔加梳打水，好天然嘅感覺。