辣媽川湘私房菜 (已搬遷) 新店位置

又嚟咗元朗搵食，本身唔太鍾意食辣，但朋友話呢間好好食，其他唔辣嘅嘢都好食，既然佢講到咁就黎試吓啦。因為唔記得影相同埋都隔咗一段時間所以唔記得d嘢食名。呢個魚真係好好食，好嫩滑，係有少少骨，魚配埋個酸菜湯好正，不過有d辣。杯嘢飲幾醒神幾開胃。呢碟嘢比較油，味道普通。呢個炒辣雞好食，d雞唔係好辣，反而薯仔辣d，但薯仔真係好好食，我食配料多過食雞😂呢個有d似泰國菜既生菜包，不過變左用好似饅頭既包嚟包，都唔錯，係d肉碎咸左少少，但好香口，推介鍾意重口味既人。