Ufufu Cafe (已結業)

記得朋友講呢間Ufufu Cafe d甜品唔錯，咁岩就行開尖沙咀就過黎試下.依家成夜晚九點幾都好多，好彩都唔洗等位就入得去。我地一家三口👨‍👩‍👦，叫左個日式肉汁蛋包飯同咖哩蛋包飯，個蛋好滑、d汁好濃味，好好味呀！加左$38 轉左做套餐有沙律同酥皮粟米湯！個沙律都幾豐富，有什菜，洋蔥絲，黃紅椒，蕃茄，個汁就酸酸甜甜咁。而個粟米湯就有d似罐頭🥫粟米味啦！食完晚飯就叫左個甜品心太軟抹茶🍵芭菲有抹茶啫喱、紅豆、忌廉、雪糕、抹茶粉，同朱古力心太軟個心太軟好濃朱古力，內面有d 花生🥜 咁，整體不錯👍🏻食完成個芭菲覺得好滿足喔！