旺記餐廳

營業中

休息中

今日既晚飯，去左元朗洪福邨的旺記食飯。入面好大好多座位，星期日夜晚7：30繁忙時間去到都唔洗等位，立即有得坐。我地2個大人+2個小朋友，叫左2個餸，京都豬扒和涼爪抄排牛肉，另外仲叫左碗肥牛米線。京都豬扒酸酸甜甜好啱我胃口。苦瓜亦係我至愛，雖然炒得有點苦，但我食得苦。每個餸加10蚊會有一碗湯和飯，個湯係蓮藕紅蘿蔔豬骨湯，飲落都ok。肥牛米線係專叫比小朋友食的，早排黎食下午茶第一次食呢個米粉，佢地就愛上左啦。不得不提，上次下午茶我叫呢個吉列豬扒拼西多士，見到咁厚既西多士我立即眼前一亮，好開心咁食完。但件吉列豬扒就唔得啦，好乾好乾好乾，差唔多成件無食。另外當時同時叫左個干炒牛河，好油好油，我咁愛食肥豬肉都頂唔順。總結黎講，呢間餐廳有好野食亦有唔好既野食，祝大家好運! 今晚餐飯埋單，叫左3樣野4個人食，平均每人約45元。