髀魔-雞髀第一店 (福民路) (已結業)

今日放假日西貢又係特別多人。訓醒落西貢碼頭食個飯。食完飯後，經過尼間「髀魔」，網上大熱，好多朋友都問我食過未。今日經過門口，見無人排隊。緊係即刻去買黎食啦。點知個職員話要等45分鐘-1小時先有得拎。唔緊要，我地都要係西貢shopping ,所以都願意等。終於有得食啦。我地點既係巨型「黃金雞髀」（$4x)。真係好大隻。咬落去都唔差既，尚算可以，皮面有咸蛋黃既咸香味，皮都脆，肉都嫩滑。試下新野都唔錯。我自己食完第一個感覺係：尼個價錢絕對可以去茶餐廳食個炸雞髀下午茶餐，仲有杯凍檸茶飲。所以試下無妨，再試就會去茶餐廳食啦。