會所1號 大舞臺

營業中

休息中

好匆忙打電話去問有仲有冇得 walk in，佢話一點三就有枱喎!咁就過去啦!如果怕熱嘅就唔好黎，因為個場冇乜冷氣， 同埋去酒樓有扶手電梯，但係走嘅時候就要行樓梯。肉絲兩面黃$108 好脆口，要脆有脆，要淋又有淋，味道唔錯，唔會太鹹，不過啲肉就麻麻地啦!雪嶺餐包 $19 (1個) 每位上嘅，睇到個包好似覺得係凍，但食入口係熱嘅，邊脆口，入面多叉燒又多汁，控制得好好，唔錯。 鮑汁雞腳$48份量太少啦得幾隻，不過啲鮑汁好入味，想嗌個白飯撈汁，但侍應話冇白飯喎! 咁奇怪?如果要叫餸食飯啲人點算呀? 鮮筍蝦餃皇$55蝦餃皮薄餡靚，蝦好新鮮彈牙，有蝦味。唔記得影個芝麻卷，菲林好味，芝麻香濃。